AGK dënon sulmin kundër ekipit të REL-it në veri

AGK dënon sulmin kundër ekipit të REL-it në veri

Asociacioni i Gazetarëve të Kosovës (AGK) ka dënuar sulmin ndaj një ekipi të gazetarëve të Radios Evropa e Lirë në veri të Kosovës më 13 tetor, kur Policia dhe Dogana e Kosovës kanë kryer një aksion kundër kontrabandimit të mallrave në disa qytete të Kosovës.

Në një reagim në rrjetin social, Facebook, AGK u ka kërkuar organeve të rendit që të kujdesen për sigurinë e gazetarëve në veri të Kosovës.

Ekipit të Radios Evropa e Lirë i është pamundësuar nga një numër protestuesish në Rudarë të Zveçanit.

Me të hyrë në Rudarë, vetura me të cilën po udhëtonte ekipi i Radios Evropa e Lirë, është ndaluar dhe është rrethuar nga rreth 50 persona, të cilët kanë kërkuar që të mos xhirohen. Në tentim për ta marrë kamerën, e kanë dëmtuar atë dhe makinën taxi, me të cilën ishte duke udhëtuar ekipi.

Ekipi ka arritur të largohet nga turma pa u lënduar.

Ekipi i REL-it po udhëtonte në magjistralen Prishtinë-Rashkë, për të raportuar për barrikadat e vendosura në Rudarë të Zveçanit./Aleanca.press/