Palltot e këtij sezoni kanë të gjitha një të përbashkët

Palltot e këtij sezoni kanë të gjitha një të përbashkët

Harrojini palltot në ngjyrë të zezë, çokollatë, gri, bezhë, mjaltë dhe nuanca të tjera të kafesë

E dimë të gjithë që nuk mund të gabosh kurrë duke zgjedhur një nga këto ngjyra të sigurta e klasike të palltove. Megjithatë, këtë vit, stilistët po bëjnë thirrje për veshjet e vjeshtës me ngjyra më të pasura!

Palltot në modë, me ngjyra të ndezura, me silueta më të ngushta, klasike ose minimaliste, që të kujtojnë xhaketat klasike me kapëse të dyfishtë ose prerje të drejtë, janë kudo këtë vit.

Trendi dominohet jo vetëm nga pëlhurat më të trasha, por edhe nga ato prej stofi, palltot ‘tedy’ dhe me gëzof artificial.

Gjatë stinës së ftohtë, moda përshtatet me nevojat tona, kështu që ndër veshjet e sipërme më në modë, do të shihni gjatësinë treçerekëshe dhe ato super të gjata, silueta më të gjera, të cilat ju lejojnë të rrini rehat me një pallto ose të vishni një pulovër më të trashë poshtë saj.

Një tjetër trend është kombinimi i aksesorëve të errët dhe më të thjeshtë me një xhaketë me ngjyra të ndezura. Aksesorët mund të jenë doreza lëkure të zeza (veçanërisht në modë janë ato të gjata), një çantë me ngjyrë kafe të errët ose çizme të errëta të stilit ushtarak./Aleanca.press/