Përleshje me thikë në rrugën “B” në Prishtinë, dy persona dërgohen në QKUK

Përleshje me thikë në rrugën “B” në Prishtinë, dy persona dërgohen në QKUK

Një përleshje me thikë ka ndodhur mbrëmjen e së premtes në rrugën “B” në Prishtinë.

Zëdhënësja e Policisë së Kosovës për rajonin e Prishtinës, Flora Ahmeti, ka thënë për Telegrafin se nga kjo përleshje dy persona kanë pësuar lëndime trupore.

“Më datë 11.06.2021, rreth orës 23:00, është raportuar për një përleshje fizike në mes të disa personave,në rrugën ‘B’ në Prishtinë. Menjëherë pas marrjes së informatës policia ka dalë në vendin e ngjarjes dhe ka nisë një hetim lidhur me rastin në fjalë. Nga hetimi preliminar janë ngritur dyshimet se, nga mjete të mprehta që dyshohet të jenë përdorur gjatë përleshjes ,dy persona kanë përsuar lëndime trupore. Të njëjtit janë dërguar në QKUK për trajtimin e nevojshëm mjekësor”, deklaroi Ahmeti.

Tutje, ajo shtoi se atualisht hetuesit policor janë duke punuar në identifikimin e personave të dyshuar, lidhur me këtë rast i cili, është iniciuar si vrasje në tentativë./Aleanca.press/