Tahiri i AAK-së: Kurti e ka mashtruar popullin

Tahiri i AAK-së: Kurti e ka mashtruar popullin

Shefi i Grupit Parlamentar të AAK’së, Besnik Tahiri, ka kritikuar qeverinë e udhëhequr nga Albin Kurti. Thotë se ky i fundit, e ka mashtruar popullin duke mos mbajtur premtimet e dhëna.

“O zotëri e ke mashtruar popullin. E keni qitë tre herë në agjendë legjislative edhe ke thënë e sjelli Ligjin e Pagave edhe s’e ke pru, e sot nuk e thua as një fjalë”, tha Tahiri në emisionin DPT te Fidani në T7.

“S’e ke rrit pagën minimale”, shtoi Tahiri.

Ai kritikoi VV’në për mungesë të dëshirës për bashkëpunim.

“Është e pakuptimtë kjo qasje: “Ne kemi fituar ne e bëjmë”. Qe a fituan. U bo seanca parlamentare katastrofë, duhet me ndërpre kryetari Konjufca s’e nuk i ka deputetët në sallë. A është faji i AAK. Jo, ne tetë deputetë kemi. Ai i ka 60 deputetë dhe s’mund të mbajë seancë”, tha Tahiri.

“Ata thonë opozita po bllokon. Jo o vëlla, ju nuk jeni të gatshëm”, theksoi ai.