UEFA arkëton 2 miliardë euro, Evropiani më i pasur

UEFA arkëton 2 miliardë euro, Evropiani më i pasur

Rikthehet futbolli i skenës së madhe, dhe ky do të jetë Europiani më i pasur i historisë. Sic bëjnë të ditur mediat ndërkombëtare, në fakt këtë edicion, kombëtaret pjesëmarrëse do të ndajnë plot 331 milionë euro, 30 milionë më shumë se sa në Francë 2016. Fillimisht shuma e përcaktuar ishte 371 milionë euro, por më pas pandemi i detyroi organizatorët që të bëjnë disa reduktime duke rishikuar buxhetin.

Duke parë cmimet, fituesi i Euro 202 do të përfitojë plot 30 milionë euro, ndërkohë që sejcilës nga 24 skuadrat pjesëmarrëse në fazën finale do ti garantohen 9.5 milionë euro. Por nuk mbaron gjithcka këtu, në fazën e grupeve një fitore vlen 1 milionë euro, një barazim ndërkohë 500 mijë euro. Kalimi në 1/8 i garanton cdo skuadre 1.5 milionë euro, cerekfinalet vlejnë 2.5 milionë euro ndërsa skuadra që shkon në gjysëmfinale përfiton 4 milionë euro. Si përfundom për sejcilën nga dy finalistet shkojnë 5 milionë euro.

Shifra të rëndësishme, edhe pse biznesin e vërtetë e bën si gjithmonë Uefa. Në total do të arkoëtojë nga Euro 2020 shumën përrallore prej 2 miliardë eurosh, me objektivin që nga këto mbi 850 milionë euro janë fitim i pastër. Para të cmuara që sipas Uefas do të shërbejnë për ringritjen e futbollit europian, dhe për të vënë në rregull llogaritë./Aleanca.press/