Xhaka sqarohet pas insistimit të Jose Mourinhos, zbulon të ardhmen

Xhaka sqarohet pas insistimit të Jose Mourinhos, zbulon të ardhmen

M’Gladbach është objektivi i Granit Xhakës kur t’i përfundojë kontrata me Topçinjtë. Ai dëshiron të rikthehet në Bundesliga dhe përfundimisht, ia ka mbyllur dyert Romës së Mourinhos.

Mesfushori shqiptar, Granit Xhaka, ka deklaruar për podcastin “Mit Geredet” dëshirën e tij për t’u pensionuar në Gjermani, në Bundesliga.

Atë e kërkon Jose Mourinho te Roma, ashtu siç e kërkoi edhe gjatë verës, por Xhaka thotë se do të respektojë kontratën me Arsenalin dhe më pas do të dëshironte sërish të luajë në Bundesliga, nga sezoni 2-24/25.

“Kam ende dhe dy vite kontratë me Arsenalin. Kur të mbarojë kontratën do të jem 32 vjeç dhe dëshiroj shumë të rikthehem tek klubi gjerman i M’Gladbach. Nëse Eberl do të jetë i gatshëm të më hapë derën përsëri unë do të jem shumë i lumtur për t’u rikthyer”, ka deklaruar Xhaka.

Me këtë, Xhaka i ka mbyll përfundimisht dyert Mourinhos, që në janar është i detyruar të kërkojë një tjetër mesfushor.

Xhaka nuk po kalon një sezon të mirë. Dëmtimet e kanë penalizuar shumë deri më tani këtë edicion.

Ai ka luajtur vetëm 364 minuta të ndarë në pesë ndeshje dhe s’ka shënuar dhe as nuk ka asistuar këtë sezon. /Aleanca.press/